اليوم غير افطنت

اليوم غير افطنت ..
ناس واجده مخدوع فيهم كنت
وراهم مشيت
( اليوم غير افطنت )

طيابة نيتي
وحق من خلقني خربتلي بيتي
واخذ الدنيا كلها بعفويتي
ومحال صاحب في زماني خنت
ياما سقيت الناس من حنيتي
وياما اللي فاقد حنان حضنت
مزروع كل الخير في انسانيتي
وديما نسامح من عليهم هنت
نجري وهامل في الحياة عافيتي
نين كبدتي ذابت خلاص سحنت
مالصغر متعود علي تربيتي
مامن سوايا واجدات دفنت
بالله لو ريتو اليوم قضيتي
وكيف دمعتي طاحت وما بينت
جتني صدمه قربت ناحيتي
من ناس فيهم كل شي أمنت